Almaty týrizm basqarmasy týroperatorlarǵa koronavirýs tirkelgen elderge týristerdi tasymaldamaýdy usyndy, dep habarlaidy "Ult aqparat".
Mundai telefonogrammany qalalyq Týrizm basqarmasynyń basshysy Sábina Amankeldi Almatydaǵy týristik uiymdardyń birinshi basshylaryna jiberdi.
«QR Úkimetiniń 27 qańtardaǵy №10 qaýlysyna sáikes QHR azamattaryna arnalǵan 72 saǵattyq vizasyz rejim 2020 jyldyń 1 shildesine deiin toqtatyldy. QR azamattarynyń qaýipsizdigi maqsatynda týroperatorlarǵa koronavirýs juqpasy tirkelgen elderge barýǵa nemese týrist tasymaldamaýǵa usynym jasaldy», - dedi basqarma basshysy Sábina Amankeldi.
Týrizm basqarmasy naqtyraq aitqanda 27 memleket Qytai, Tailand, Gonkong, Japoniia, Singapýr, Aýstraliia, Taivan, Malaiziia, Makao, Ońtústik Koreia, AQSh, Frantsiia, Germaniia, BAÁ, Kanada, Italiia, Vetnam, Úndistan, Nepal, Filippin, Shri-Lanka, Ulybritaniia, Resei, Kambodja, Finliandiia, Ispaniia jáne Shvetsiia elderine shyqpaý kerektigi eskertildi.
Eske sala ketsek, qazirgi málimet boiynsha koronavirýstan álemde 490 adam kóz jumǵan.
