Almatydaǵy turǵyn úilerdiń birinde qyzdy óltirip, artynan órtep jibergen, dep habarlaidy QazAqparat.
Bul týraly aqparat áleýmettik jelilerde tarady.
«Almatyda Dostyq, 138, «Latifa» turǵyn úi kesheninde qyzdy óltirdi. Aldymen býyndyryp óltirip, artynan órtep jibergen. Bul týraly úndemei qalmańyz! Qazir ýchaskelik politseiler onyń jezókshe bolǵanyn aityp jatyr», - delingen habarlamada.
Almaty qalalyq Politsiia departamenti kisi óltirý faktisin rastady.
«Atalǵan fakt QR QK-niń 99-baby 2-bóligi «Adam óltirý» boiynsha sotqa deiingi tergep-tekserýdiń biryńǵai tizilimine tirkeldi jáne Medeý aýdandyq politsiia basqarmasynyń óndirisinde. Arnaiy jedel-tergeý toby quryldy. Kúdiktiniń kim ekeni anyqtaldy. Ony ustaýǵa baǵyttalǵan is-sharalar kesheni júrgizilip jatyr», - dep habarlady politsiiadan.
Sonymen qatar, Politsiia departamenti jábirlenýshiniń jeńil júristi áiel ekendigi týraly aqparat shyndyqqa janaspaitynyn atap ótti.
Qylmystyń mán-jaiy men sebepteri anyqtalýda.
