الماتىداعى تۇرعىن ٷيلەردٸڭ بٸرٸندە قىزدى ٶلتٸرٸپ, ارتىنان ٶرتەپ جٸبەرگەن, دەپ حابارلايدى قازاقپارات.
بۇل تۋرالى اقپارات ەلەۋمەتتٸك جەلٸلەردە تارادى.
«الماتىدا دوستىق, 138, «لاتيفا» تۇرعىن ٷي كەشەنٸندە قىزدى ٶلتٸردٸ. الدىمەن بۋىندىرىپ ٶلتٸرٸپ, ارتىنان ٶرتەپ جٸبەرگەن. بۇل تۋرالى ٷندەمەي قالماڭىز! قازٸر ۋچاسكەلٸك پوليتسەيلەر ونىڭ جەزٶكشە بولعانىن ايتىپ جاتىر», - دەلٸنگەن حابارلامادا.
الماتى قالالىق پوليتسييا دەپارتامەنتٸ كٸسٸ ٶلتٸرۋ فاكتٸسٸن راستادى.
«اتالعان فاكت قر قك-نٸڭ 99-بابى 2-بٶلٸگٸ «ادام ٶلتٸرۋ» بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلدٸ جەنە مەدەۋ اۋداندىق پوليتسييا باسقارماسىنىڭ ٶندٸرٸسٸندە. ارنايى جەدەل-تەرگەۋ توبى قۇرىلدى. كٷدٸكتٸنٸڭ كٸم ەكەنٸ انىقتالدى. ونى ۇستاۋعا باعىتتالعان ٸس-شارالار كەشەنٸ جٷرگٸزٸلٸپ جاتىر», - دەپ حابارلادى پوليتسييادان.
سونىمەن قاتار, پوليتسييا دەپارتامەنتٸ جەبٸرلەنۋشٸنٸڭ جەڭٸل جٷرٸستٸ ەيەل ەكەندٸگٸ تۋرالى اقپارات شىندىققا جاناسپايتىنىن اتاپ ٶتتٸ.
قىلمىستىڭ مەن-جايى مەن سەبەپتەرٸ انىقتالۋدا.
