Qaladaǵy tártipsizdikterden keiin ustalǵan almatylyq Timýr Kim tergeý izoliatorynan bosatyldy, - dep habarlaidy Tengrinews.kz tilshisi.
2022 jyldyń 9 qańtarynan beri Láilim Ábildaeva otaǵasyn qamaýdan bosatýdy surap, taǵylǵan aiypty alyp tastaýdy talap etip júr. Onyń aitýynsha, buryn aiyp taǵylǵan bap qaita saralanǵan. Degenmen, ázirge tolyq málimet jariialanǵan joq. Qazir Timýr Kim otbasymen úiinde.
Buǵan deiin Ábildaeva 9 qańtarda saǵat 19.00 shamasynda betperde taǵyp, avtomat ustaǵan 10 shaqty adam úiine basyp kirip, úsh balasynyń kózinshe otaǵasyn uryp-soqqanyn aityp bergen bolatyn. Sodan keiin ony belgisiz jaqqa alyp ketken. Áiel kúieýin birneshe aptadan keiin ǵana tapqan.
Quqyq qorǵaý organdary málimetinshe, ol kezde er adam QR Qylmystyq kodeksiniń 255-baby 4-bóligi boiynsha lańkestik jasady degen kúdikpen ustalǵan.
