«Biyldyń 16 aqpanyndaǵy jaǵdai boiynsha Bas prokýratýranyń, Ishki ister ministrliginiń, Ulttyq qaýipsizdik komitetiniń jáne Sybailas jemqorlyqqa qarsy is-qimyl qyzmetiniń tergelýindegi barlyq qylmystyq ister boiynsha 741 kúdikti sot sanktsiiasymen qamaýda. Olardyń ishinde 113-i buryn sottalǵan, 42-si tyiym salynǵan ekstremistik uiymnyń qatysýshysy jáne 35-i uiymdasqan qylmystyq top ókili», - dedi Qilymjanov.
Osy oraida ol qamaýǵa alynǵandardyń jeke bastary zerttelgenin jáne Almaty qalasyndaǵylar boiynsha olardyń portretteri jasalǵanyn atap ótti.
«Negizgi massada – olar joǵary bilimi jáne turaqty jumysy joq 30 jasqa deiingi jas adamdar.
Almaty qalasynda anonimdi saýalnama júrgizý barysynda árbir úshinshi qiratýshy jaǵdaidy paidalanyp, bótenniń múlkin urlaý arqyly paida tabýdy qalaǵanyn moiyndady. Prokýratýra organdary azamattyq uiymdardyń ókilderimen birlese qamaýǵa alynǵandardyń jáne ustalǵandardyń jaǵdaiyn kúndelikti tekserýde», - dedi Bas prokýratýra ókili.
