Almaty qalasynyń memlekettik bas sanitar dárigeri Jandarbek Bekshin 25 mamyrdan bastap jumys isteitin kafe men tamaqtaný oryndaryna qoiylatyn talaptardy atady, dep habarlaidy "Ult aqparat".
«Kafelerge qoiylatyn talap: ujymdyq keshter men banketter ótkizýge tyiym salynady. Qoǵamdyq tamaqtaný oryndaryna keshki saǵat 23:00-ge deiin jumys isteýge ruqsat berdik. Eń bastysy, ústelder arasyndaǵy qashyqtyq keminde eki metr bolýy kerek. Dastarhanǵa bir otbasy múshelerin qospaǵanda, tórt adamnan artyq otyrýǵa bolmaidy», - dedi ol.
Jandarbek Bekshin qyzmet kórsetetinderdi, sanitarlyq talapty saqtaýǵa shaqyrdy.
«Kelgenderge qyzmet kórsetetin personaldar mindetti túrde maska taǵyp, qolǵap kiiý tiis. Árbir klientten keiin dezinfektsiialaý quraldaryn qoldana otyryp tazalaý júrgizilýi kerek. Sonymen qatar, áleýmettik qashyqtyq saqtalýy qajet. Jiti respiratorlyq virýstyq infektsiia bar jáne qyzýy kóterilip turǵan adamdar jumysqa jiberilmeidi. Munyń bárin ákimshilik qadaǵalap otyrýy tiis. Biz ashanalardaǵy óz-ózine qyzmet kórsetý printsipin joidyq. Daiyn taǵamdy qyzmetkerler ózderi jetkizedi. Osy salada qyzmet kórsetetinderdi sanitarlyq talapty saqtaýǵa shaqyramyn», - dedi ol.
