Almatydaǵy 5-perzenthanada bir áiel qaitys boldy. Bul týraly Qoǵamdyq densaýlyq basqarmasy basshysynyń orynbasary Laýra Myrzaǵali málimdedi, dep habarlaidy "Ult aqparat".
«Ana ólimi bolǵany ras. Bul Almatydaǵy 5-perzenthanada 2 naýryzda bolǵan. Qazir tergeý júrgizilip jatyr. Sot-meditsinalyq saraptamasyn kútip otyrmyz», - dedi basshy orynbasary.
Sondai-aq, ol perzenthanadaǵy jaǵdaidyń baqylaýda bolatynyn jetkizdi.
«Jemqorlyq týraly aqparat bizge túsken joq. Eger tergeý barysynda anyqtalsa biz óz tarapymyzdan shara qoldanamyz. Ózderińiz bilesizder sheshiletin, aldyn alýǵa bolatyn, bolmaityn jaǵdailar bolady. Sol sebepti barlyq jaǵdaidy baqylaýda ustaimyz. Al ana ólimine qatysty problema aýrýhana basshylyǵy tarapynan ketken qatelikten, uiymdastyrý jumystaryna salǵyrt qaraýdan bolsa Qoǵamdyq densaýlyq basqarmasy atalǵan faktini nazardan tys qaldyrmaidy, qatań shara qoldanatyn bolady»,- dedi Laýra Myrzaǵali.
