الماتىداعى 5-پەرزەنتحانادا بٸر ەيەل قايتىس بولدى. بۇل تۋرالى قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي مەلٸمدەدٸ, دەپ حابارلايدى "ۇلت اقپارات".
«انا ٶلٸمٸ بولعانى راس. بۇل الماتىداعى 5-پەرزەنتحانادا 2 ناۋرىزدا بولعان. قازٸر تەرگەۋ جٷرگٸزٸلٸپ جاتىر. سوت-مەديتسينالىق ساراپتاماسىن كٷتٸپ وتىرمىز», - دەدٸ باسشى ورىنباسارى.
سونداي-اق, ول پەرزەنتحاناداعى جاعدايدىڭ باقىلاۋدا بولاتىنىن جەتكٸزدٸ.
«جەمقورلىق تۋرالى اقپارات بٸزگە تٷسكەن جوق. ەگەر تەرگەۋ بارىسىندا انىقتالسا بٸز ٶز تاراپىمىزدان شارا قولدانامىز. ٶزدەرٸڭٸز بٸلەسٸزدەر شەشٸلەتٸن, الدىن الۋعا بولاتىن, بولمايتىن جاعدايلار بولادى. سول سەبەپتٸ بارلىق جاعدايدى باقىلاۋدا ۇستايمىز. ال انا ٶلٸمٸنە قاتىستى پروبلەما اۋرۋحانا باسشىلىعى تاراپىنان كەتكەن قاتەلٸكتەن, ۇيىمداستىرۋ جۇمىستارىنا سالعىرت قاراۋدان بولسا قوعامدىق دەنساۋلىق باسقارماسى اتالعان فاكتٸنٸ نازاردان تىس قالدىرمايدى, قاتاڭ شارا قولداناتىن بولادى»,- دەدٸ لاۋرا مىرزاعالي.
