Almatydaǵy krematoriidiń qurylysy 2021 jyldyń sońyna deiin aiaqtalady. Bul týraly Almaty qalasy jaily qalalyq orta basqarmasynyń basshysy Sapar Nurashev brifing barysynda málim etti, dep habarlaidy QazAqparat.
«Bul nysandy biz krematorii demeimiz. 2020 jyly patologiialyq biýrony paidalanýǵa berdik. Ol JEO-2 ońtústigine qarai ornalasqan. Nysan patologiialyq biýronyń filialy bolyp sanalady. Onyń fýnktsionaldyq maqsaty biologiialyq jáne meditsinalyq qaldyqtardy joiý «, - dedi Sapar Nurashev. Spikerdiń sózinshe, qazirgi ýaqytta qurylys jumystary aiaqtalýǵa jaqyn qaldy. « Búgingi kúni nysan ishinde qondyrǵylardy iske qosý-montajdaý jumystary júrip jatyr. Chehiiadan qural-jabdyqtar jetikzildi. Qazir óndirýshi kompaniianyń ókilderi kelip, montajdaý jumystaryn júrgizip jatyr», - dep túsindirdi Sapar Nurashev.
