Karantin perimetriniń qol jetimsiz jerlerin Almaty politsiiasy atpen júrip baqylaidy, dep habarlaidy "Ult aqparat".
Jalpy, Almaty qalalyq PD qurylymynda qalanyń ereksheligi men infraqurylymy eskerilip atty bólimder qarastyrylmaǵan. Alaida tótenshe jaǵdaiǵa bailanysty politsiia qyzmetkerleri atpen patrýldeýge shyqty.
«Ádette, atty patrýlder kópshiliktiń belsendi qoldaýymen uiymdastyrylady, iaǵni politsiiaǵa jylqylardy tegin beretin azamattardyń kómegi arqyly. Bizde kólik óte almaityn jerler bar. Sondyqtan atty patrýlder shyqty. Búgingi tańda bul jumys Alataý aýdanynyń «Rahat» jáne «Mádeniet» shaǵyn aýdandary siiaqty shalǵai eldi-mekender aýmaǵynda júrgizilip jatyr. Osy aýyldar arqyly, siz, Almaty oblysynyń aýmaǵyna kirý úshin kedergilerdi ainalyp óte alasyz, osyǵan bailanysty ainalma joldarda qorǵanys beton plitalary ornatylyp, at patrýlderi uiymdastyrylǵan. Politsiia qyzmetkerleri zańdylyq pen tártipti qadaǵalaidy», – dedi Alataý aýdandyq politsiia basqarmasynyń basshysy Ulan Ábilqaiyr.
