almaty_kris_p/video kadry
Almaty Politsiia departamenti ókilderi Ál-Farabi dańǵylynda bolǵan iri jol apatynyń mán-jaiyn aitty, - dep habarlaidy Tengrinews.kz.
Almatynyń Instagram-pablikterinde oqiǵanyń videosy paida boldy.
Politsiia málimetinshe, 2022 jyly 17 shildede saǵat 18:00 shamasynda Kia Rio kóliginiń júrgizýshisi Ál-Farabi dańǵyly boiymen shyǵys baǵytta kele jatqan. Bir kezde júrgizýshi róldi tizgindei almai, ótip bara jatqan Subaru Legacy kóligimen soqtyǵysqan. Odan ári soqqy inertsiiasynan Subaru qarsy jolaqqa shyǵyp ketip, Ál-Farabi dańǵylymen batys baǵytta kele jatqan Lada 21114 kóligimen soqtyǵysqan. Kia Rio kóligi aǵashqa soǵylyp, aýdarylyp qalǵan.
"Jol apaty saldarynan Kia Rio júrgizýshisi zardap shekti. Sondai-aq, Lada 21114 júrgizýshisi men Subaru Legacy kóligindegi jolaýshyǵa meditsinalyq kómek kórsetildi. Bul fakt boiynsha Bostandyq aýdandyq politsiia basqarmasynyń qyzmetkerleri tergeý júrgizip jatyr", - dedi Almaty qalalyq PD Anyqtaý basqarmasynyń bastyǵy politsiia podpolkovnigi Oljas Sháripov.
