Almatydaǵy «Almaty nan» nan-toqash kombinaty men Angelcher tigin kompaniiasynyń ókilderi azamattardy 23 tamyzda ótetin Quryltai depýtatyn sailaýǵa belsendi qatysýǵa shaqyrdy.
«Almaty nan» kombinatynyń ujymy óz úndeýinde kásiporyn qyzmetkerleri kún saiyn tań atpai jumysqa kirisip, turǵyndardy jańa pisken nanmen qamtamasyz etýge úles qosatynyn atap ótti. Olardyń aitýynsha, eńbek pen jaýapkershilik — kúndelikti jumystyń mańyzdy bóligi.
«Bul — óz tańdaýymyzdy jasap, elimizdiń ómirine ózgeris engizýge múmkindik. Adamdar jaýapkershilik tanytqan kezde elimiz de myqty bolady», — delingen kásiporyn ujymynyń úndeýinde.
Al Angelcher shveinaia kompaniiasynyń ókilderi aldaǵy sailaýdyń el bolashaǵy úshin mańyzdylyǵyna nazar aýdardy. Kásiporyn qyzmetkerleri kún saiyn óskeleń urpaqqa arnalǵan mektep formasyn tigetinin aityp, sailanǵan halyq ókilderiniń sheshimderi memlekettiń odan ári damýyna jáne balalardyń qandai ortada ósip, bilim alatynyna áser etetinin atap ótti.
«Búginde elimiz mańyzdy saiasi oqiǵanyń — Quryltai sailaýynyń aldynda tur. Memlekettiń qalai damityny, balalarymyzdyń qandai jaǵdaida ósip, bilim alatyny jańa quramdaǵy halyq ókilderiniń qabyldaityn sheshimderine bailanysty», — dedi kompaniia qyzmetkerleri.
Osylaisha, eki kásiporynnyń ókilderi de azamattyq jaýapkershiliktiń jáne el ómirindegi mańyzdy saiasi úderiske qatysýdyń mańyzdylyǵyn atap ótti.
Fotolar: Almaty qalasy ákimdiginyń baspasóz qyzmeti
