Almatyda Indýstrialdy aimaqta 2020 jyly jalpy quny 39,7 mlrd teńge bolatyn 11 jańa joba iske qosylady, dep habarlaidy "Ult aqparat".
«Indýstrialdy aimaq» JShS baspasóz qyzmetiniń habarlaýynsha, búginde atalǵan arnaiy ekonomikalyq aimaqta 54 kompaniia jumys jasap jatyr.
«Bul jobalarǵa 237 mlrd teńge kóleminde investitsiia tartylǵan. Sonymen qatar, 7,8 myń jumys oryn ashylǵan. Al biyl taǵy jańa 11 joba iske qosylatyn bolady. Oǵan 39,7 mlrd teńge qarjy tartylyp, 1575 adamdy jumyspen qamtý múmkindigi paida bolady. Al 2021 jyly quny 129 mlrd teńge bolatyn taǵy 31 joba kezegin kútip tur», - dedi baspasóz qyzmetinen.
Erteń «Indýstrialdy aimaq» basshylyǵy tartymdy jobalardy tanystyrý úshin biznes qaýymdastyqpen kezdesý uiymdastyrmaq. Onda kásipkerlerge ónerkásip parkiniń investitsiialyq múmkindigi jaily jan-jaqty aitylady.
