Almaty qalalyq sotynda Tótenshe jaǵdai rejimin buzǵandarǵa qatysty 120 is qaraldy, dep habarlaidy "Ult aqparat".
Almaty qalalyq sotynyń baspasóz qyzmeti elimizde jariialanǵan Tótenshe jaǵdai rejimin buzǵan azamattarǵa qandai shara qoldanylatynyn aitty.
«26 naýryzdaǵy jaǵdai boiynsha, Almaty ákimshilik ister boiynsha aýdanaralyq mamandandyrylǵan soty 120 ákimshilik is qaraǵan. Karantin aimaǵynyń shekarasyn buzbaq bolǵan 111 adam ákimshilik jaýapkershilikke tartyldy. Olardyń 70-i 5 táýlikten 10 táýlikke deiin qamaýǵa alynsa, 41 quqyqbuzýshyǵa 10 AEK mólsherinde aiyppul salyndy», - dedi baspasóz qyzmetinen.
Karantin merziminde kásipkerlikpen ainalysqan 9 tulǵanyń ekeýi 5 táýlikke qamalsa, qalǵan 7 adamǵa ákimshilik aiyppul salyndy.
Ákimshilik jazaǵa tartylǵandardyń ishinde «Voshod» saýda úii, «Emil» meiramhanasy, «Tsentr shashlyka» meiramhanasy, «Barbeque» dámhanasy, «Loto Club» oiyn zaly, «Mechta Market» JShS, «Genesys» oiyn klýby, «Ultimate» oiyn klýby bar.
Aita ketý kerek, Almatyda 26 naýryzdan bastap barlyq irili usaqty saýda oryndarynyń jumysyna shekteý qoiyldy. Qalada tek dárihanalar men azyq-túlik dúkenderi jumys jasaityn bolady.
