Almatyda qosymsha koronavirýs gospitalderi ashylyp jatyr. Jańa ortalyqtardyń daiyndyǵy týraly qalalyq Qoǵamdyq desnaýlyq basqarmasynyń basshysy Kamaljan Nadyrov aitty, dep habarlaidy QazAqparat.
«Pandemiia bastalǵannan beri infektsiialyq statsionarlardyń sany 13 esege, 2-den 26-ǵa deiin artty. Sáikesinshe, tósek-oryn sany 500 6000-ǵa deiin artty. Osy aptada 250 tósek-orynǵa arnalǵan «Qazaqstan» shipajaiy, 376 tósek-orynǵa arnalǵan «Kóktem» shipajaiy, 140 tósek-orynǵa arnalǵan «Samal» pansionaty, 100 tósek-orynǵa arnalǵan Soǵys ardagerleri men múgedekterine arnalǵan Respýblikalyq klinikalyq gospital koronavirýs naýqastaryn qabyldaýǵa beiimdeldi. Biraq, biz osymen toqtap qalmaimyz, aldaǵy ýaqytta tósek-oryndar qýattylyǵy rezervin qalyptastyrý josparda tur.
Odan bólek, aldaǵy ýaqytta Arnaiy áleýmettik qyzmet kórsetý ortalyǵy bazasynda 500 tósek-orynǵa arnalǵan tolyqqandy klinika ashylady.
«Atalǵan ortalyq birinshi eshelonnyń kovidtik klinikasy retinde jumys isteitin bolady, al kovidtik kezeńnen keiingi kezde tolyqqandy kópbeiindi statsionar retinde jumysyn atqaratyn bolady. Qazir ol jerde qurylys jumystary aiaqtalýda, sonymen qatar meditsinalyq tehnikamen jáne qajetti kadrlarmen jasaqtaý jónindegi máselesi pysyqtalýda. Osy nysandy qyrkúiek aiynda ashý mindeti qoiylǵan. Osylaisha, qala 500 tósek-orynǵa arnalǵan tolyqqandy jáne kovidtik kezeńnen keiin de halyq igiligi úshin jumys isteitin kópbeiindi klinikaǵa júgine alady.
«Aita ketý kerek, jańa statsionarlardy ashýǵa jumsalǵan investitsiia postkovidtik kezeńde de paidasynkeltiredidep oilaimyz. Josparda tósek oryndy 7700 deiin arttyrý kózdelgen», - dedi ol.
