Almatyda júrgizilgen reid barysynda 85 kásipkerlik nysanda sanitarlyq talaptar buzylǵany anyqtaldy, dep habarlaidy "Ult aqparat".
«27-28 mamyrda aýdandyq ákimdikter men epidemiologter qyzmet kórsetý, qoǵamdyq tamaqtaný oryndary, úilerdiń qasyndaǵy dúkenderge reid júrgizdi. 147 nysan tekserildi», - dedi ákimdiktiń baspasóz qyzmetinen.
Tekserý nátijesinde 2 kúnde 85 nysannyń basshysyna aiyppul salyndy. M.Áýezov aýdanynda – 11, Alataý aýdanynda – 21, Almaly aýdanynda -10, Bostandyq aýdanynda – 10, Jetisý aýdanynda – 4, Medeý aýdanynda -17, Naýryzbai aýdanynda -3, Túrksib aýdanynda - 9 nysannyń basshysy ákimshilik jaýapkershilikke tartyldy.
Atap aitqanda, «Mr Donerci», «Chai La», «Raiski Sad», «Master Kafesi», «Oazis» dámhanalary, «Olivier», «Svet», «Noodles» meiramhanalary, «Basilic» ashana jelisi, «Fantazy» shashtarazy, «Adelia» sán salony, «Rahat», «Kakadý», «Zarina» azyq-túlik dúkenderi, shina jóndeý men kólik jýý ortalyqtary bar.
Odan bólek iri saýda oryndarynan «ADK» saýda oiyn saýyq ortalyǵy, «Grand Park» saýda oiyn saýyq ortalyǵy, «Sulpak» dúkeninde sanitarlyq talaptar buzylǵany anyqtaldy.
Aita ketý kerek, Almatyda shaǵyn jáne orta biznestiń 80%-nyń jumysy qaita janjandy.
