2023 jyldyń 22 jeltoqsan kúni Darhan Ahmetjanov úsh adamnyń ólimine ákelgen buzaqylyq jasady jáne kóliktiń qaýipsizdik jumysyn qamtamasyz etý erejelerin buzdy dep aiyptalyp otyr, dep habarlaidy "Ult aqparat" Stan.kz aqparat agenttigine silteme jasap.
"Júrgizýshi onyń abyroiyna nuqsan keltirgen bolsa, onda ol dáleldi túrde tiisti organdarǵa júginýi kerek edi. Sonymen qatar sottalýshy Ahmetjanovtyń Shókebaevanyń ony balaǵattady degen sózinde eshqandai dálel joq. Shókebaeva tarapynan qorlaý bolǵan joq. Sottalýshynyń kinási jábirlenýshilerdiń, kýálardyń, mamandardyń aiǵaqtarymen, sot-meditsinalyq saraptamasynyń qorytyndysymen, oqiǵa bolǵan jerdi qaraýdyń hattamasy men syzbasymen, aiǵaqtarmen, jol-kólik oqiǵasynyń beinejazbasymen dáleldenedi", – dedi prokýror.
Prokýror sottalýshynyń ókinbegenin jáne óz kinásin tolyq moiyndamaitynyn aitty. Sottalýshy narkologiialyq esepte turmaǵandyqtan nemese dispanserlik baqylaýda bolmaǵandyqtan óz áreketin tolyq baǵalai alady.
"Sottalýshy Darhan Maratuly Ahmetjanovty Qazaqstan Respýblikasy Qylmystyq kodeksiniń 293-babynyń 1-bóligi jáne 351-babynyń 3-bóligimen kináli dep tanyp, segiz jylǵa bas bostandyǵynan aiyrý jazasyn eń tómengi qaýipsizdik mekemesinde óteýdi suraimyn", – dedi memlekettik aiyptaýshy.
Eske salaiyq, buǵan deiin Almatyda avtobýs bir top jaiaý júrginshini qaǵyp ketip, saldarynan 3 adam qaza tapqany týraly jazǵan edik. Politsiia málimetinshe, 47-baǵyttaǵy avtobýstyń jolaýshysy júrgizýshi áieldi urǵan, júrgizýshi esinen tanyp, kólikti basqara almai qalǵan. Politsiia avtobýs júrgizýshisin urǵan jolaýshyǵa qatysty qylmystyq is qozǵaǵan edi. Buǵan deiin avtobýs apatyna kináli sottalýshy oqiǵaǵa qatysty óz nusqasyn aitqan.
