Almatyda úsh adamnyń ólimine sebep bolǵan avtobýs apatyna qatysty jaryssóz jalǵasyp jatyr. Búgin sottalýshyǵa sóz berildi, - dep habarlaidy «Ult aqparat» Tengrinews.kz -ke silteme jasap.
Sottalýshy júrgizýshi arandatqanyn, sonyń saldarynan jol-kólik oqiǵasy bolǵanyn aitty.
"Júrgizýshi meni barlyq adamnyń kózinshe balaǵattap, meni kólikten shyǵarmai qoidy. Bul - arandatý. Qazaqstan Respýblikasy Qylmystyq kodeksiniń 293-baby 1-bóligi boiynsha óz kinámdi moiyndaimyn. Qazaqstan Respýblikasy Qylmystyq kodeksiniń 351-baby 3-bóligi boiynsha óz kinámdi moiyndamaimyn, óitkeni Shokebaeva esinen tanyp qalǵan joq. Onyń avtobýsty toqtatýǵa múmkindigi boldy. Sottan kámeletke tolmaǵan úsh balam bar ekenin jáne bul meniń birinshi ret quqyq buzýym ekenin eskerýin suraimyn. Qazaqstan Respýblikasy Qylmystyq kodeksiniń 293-baby 1-bóligi boiynsha bas bostandyǵynan aiyrýsyz jaza taǵaiyndaýdy suraimyn. Qazaqstan Respýblikasy Qylmystyq kodeksiniń 351-baby 3-bóligi boiynsha meni aqtaýyńyzdy suraimyn. Barlyq zardap shekkenderden shyn júrekten keshirim suraimyn", - dedi Ahmetjanov.
