الماتىدا ٷش ادامنىڭ ٶلٸمٸنە سەبەپ بولعان اۆتوبۋس اپاتىنا قاتىستى جارىسسٶز جالعاسىپ جاتىر. بٷگٸن سوتتالۋشىعا سٶز بەرٸلدٸ, - دەپ حابارلايدى «ۇلت اقپارات» Tengrinews.kz -كە سٸلتەمە جاساپ.
سوتتالۋشى جٷرگٸزۋشٸ ارانداتقانىن, سونىڭ سالدارىنان جول-كٶلٸك وقيعاسى بولعانىن ايتتى.
"جٷرگٸزۋشٸ مەنٸ بارلىق ادامنىڭ كٶزٸنشە بالاعاتتاپ, مەنٸ كٶلٸكتەن شىعارماي قويدى. بۇل - ارانداتۋ. قازاقستان رەسپۋبليكاسى قىلمىستىق كودەكسٸنٸڭ 293-بابى 1-بٶلٸگٸ بويىنشا ٶز كٸنەمدٸ مويىندايمىن. قازاقستان رەسپۋبليكاسى قىلمىستىق كودەكسٸنٸڭ 351-بابى 3-بٶلٸگٸ بويىنشا ٶز كٸنەمدٸ مويىندامايمىن, ٶيتكەنٸ شوكەباەۆا ەسٸنەن تانىپ قالعان جوق. ونىڭ اۆتوبۋستى توقتاتۋعا مٷمكٸندٸگٸ بولدى. سوتتان كەمەلەتكە تولماعان ٷش بالام بار ەكەنٸن جەنە بۇل مەنٸڭ بٸرٸنشٸ رەت قۇقىق بۇزۋىم ەكەنٸن ەسكەرۋٸن سۇرايمىن. قازاقستان رەسپۋبليكاسى قىلمىستىق كودەكسٸنٸڭ 293-بابى 1-بٶلٸگٸ بويىنشا باس بوستاندىعىنان ايىرۋسىز جازا تاعايىنداۋدى سۇرايمىن. قازاقستان رەسپۋبليكاسى قىلمىستىق كودەكسٸنٸڭ 351-بابى 3-بٶلٸگٸ بويىنشا مەنٸ اقتاۋىڭىزدى سۇرايمىن. بارلىق زارداپ شەككەندەردەن شىن جٷرەكتەن كەشٸرٸم سۇرايمىن", - دەدٸ احمەتجانوۆ.
