Foto: Tengrinews.kz
Almatyda shildeniń aptaby 1956 jylǵy rekordty jańartty, - dep habarlaidy Tengrinews.kz.
Shildede Almatyda eń joǵary aýa temperatýrasy +39,3 gradýs boldy. Sinoptikterdiń boljamynsha, 2022 jylǵy shildede Qazaqstanda qatty jańbyr jaýǵan.
"Shildeniń úshinshi onkúndigi eldiń ońtústik jartysynda aptap boldy. Buǵan Iran men Orta Aziia aimaqtarynan jyly aýa massalarynyń shyǵarylýy jáne orta troposferada jylý jotasy qalyptasýy yqpal etti. Temperatýra boiynsha rekordtar jańardy: 19 shildede Aqtaý meteorologiia stantsiiasynda (Mańǵystaý oblysy) eń joǵary aýa temperatýrasy +43,0 gradýs bolyp tirkeldi, osylaisha 2018 jylǵy rekord jańartyldy (+40,2 gradýs), 20 shildede Jezqazǵan meteostantsiiasynda (Ulytaý oblysy) eń joǵary aýa temperatýrasy +41,3 gradýs boldy, 2012 jyly osy kúni aýa temperatýrasy +40,0 gradýs bolǵan. 21 shildede Qyzylorda meteostantsiiasynda aýa temperatýrasy +44,6 gradýsqa jetti, bul 2018 jylǵy rekordty (+41,9 gradýs) jańartty. 22 shildede elimizdiń ońtústik jáne ońtústik-shyǵys óńirlerinde termometr baǵany + 40...+46 gradýsqa jetti", - delingen Qazgidromet habarlamasynda.
22 shildede myna stantsiialarda temperatýra boiynsha rekordtar jańartyldy: Almatyda eń joǵary aýa temperatýrasy + 39,3 gradýs boldy, osylaisha, 1956 jylǵy rekord jańardy (+39,0 gradýs), Taraz meteostantsiiasynda eń joǵary aýa temperatýrasy +42,0 gradýs boldy, ol 1987 jylǵy osy kúngi rekordty jańartty (+39,0 gradýs). Shymkentte eń joǵary aýa temperatýrasy +42,7 gradýs boldy, 2018 jyly osy kúni eń joǵary aýa temperatýrasy +40,5 gradýs bolyp tirkelgen.
"Aýa temperatýrasy rekordtarynan basqa, respýblika aýmaǵynda atmosferalyq fronttardyń kúsheiýi áserinen aidyń basynda jáne aiaǵynda ailyq normadan 2-4 esege asatyn jańbyr jaýdy. 3 shildege qaraǵan túni Chapaevo meteostantsiiasynda (Batys Qazaqstan oblysy) jaýyn-shashyn eki ailyq normadan asty – 49 millimetr (aidaǵy norma – 20 millimetr), Qarabaý meteostantsiiasynda (Atyraý oblysy) sol kúni 21 millimetr jańbyr tústi, ailyq norma 14 millimetr. 5 shildede Novoalekseevka meteorologiialyq stantsiiasynda (Aqtóbe oblysy) 38 millimetr jaýyn-shashyn tústi (ailyq norma 26 millimetr); 23 shildede "Jańa Úshtoǵan" meteostantsiiasynda (Atyraý oblysy) bir táýlikte 24 millimetr jaýyn-shashyn tústi, ailyq norma 15 millimetr. 28 shildede Aqtaý meteostantsiiasynda (Mańǵystaý oblysy) 44 millimetr jaýyn-shashyn tústi, bul normadan tórt ese kóp (bir aidaǵy norma 10 millimetr), 29 shildede Stepnogorsk meteorologiialyq stantsiiasynda (Aqmola oblysy) 88 millimetr jaýyn jaýdy, ailyq norma 56 millimetr", - dedi "Qazgidromet" RMK ókilderi.
Nur-Sultanda bir ai ishinde rekordtar tirkelgen joq, aýa temperatýrasynyń eń joǵarǵy máni 16 shildede tirkeldi, termometrler +35,1 gradýsqa jetti, bir aidaǵy jaýyn-shashyn mólsheri - 35 millimetr.
