videodan alynǵan kadr
Almatydaǵy Ál-Farabi dańǵylynda iri jol apaty boldy. Júk kóligi birneshe kólikpen soqtyǵysty, dep habarlaidy "Ult aqparat".
Oqiǵa ornynan túsirilgen video Instagram-paraqshalarda jariialandy.
IIM baspasóz qyzmetiniń málimetinshe, 21 tamyz saǵat 15:05-de Mercedes avtokóliginiń júrgizýshisi Almaty qalasy Jamaqaev kóshesi boiymen soltústik baǵytta kele jatyp, ál-Farabi dańǵylynyń qiylysynda bólgish qorshaýǵa soǵylyp, týra júrip ketip, dańǵyldyń boiymen batysqa qarai kele jatqan úsh kólikpen soqtyǵysqan.
JKO saldarynan júk kóliginiń júrgizýshisi men jolaýshysy zardap shekken.
"Bul derekti Bostandyq aýdandyq PB-nyń qyzmetkerleri tirkep, óndiriske engizdi. Tiisti saraptamalar taǵaiyndaldy.
Aldyn ala boljam boiynsha, JKO kóliktiń tehnikalyq aqaýlyǵynan oryn alǵan. Jeke tasymaldaý qyzmetin kórsetetin júk kóliginiń júrgizýshisi K. esimdi azamattyń aitýynsha, júk kóliginiń tejegishteri isten shyqqan.
Obektivti mán-jailar anyqtalyp jatyr. Sonymen qatar júk kóliginiń 4 jeńil kólikpen soqtyǵysqanyn aita keteiik.
Meditsinalyq kómekke alty adam júgingen, onyń ishinde aýyr júk kóliginiń júrgizýshisi de bar" - delingen habarlamada.
video: Tengri TV Telegram-arnasy
