Foto: flectone.ru
Almaty qalasy Medeý aýdanynyń prokýratýrasy Abai atyndaǵy Qazaq ulttyq pedagogikalyq ýniversitetiniń múlkin zańsyz ielikten shyǵarý faktisin anyqtady, dep habarlaidy "Ult aqparat".
1997 jyly Jekeshelendirý jónindegi aýmaqtyq komitet oqý korpýsy ǵimaratynyń bir bóligin 196 000 teńgege zańsyz satqan. Sol jyly 62 000 teńgege 26 sotyq jer telimi de zańsyz satylǵan.
Joǵary oqý orny ǵimaraty respýblikalyq mańyzy bar tarihi jáne mádeniet eskertkishteri qataryna jatady. Al jer ýchaskesinde qalanyń eń eski sáýlet qurylystarynyń biri – "Eski qaqpa" ornalasqan.Keiinnen ýniversitet ǵimaratynda "Eski qaqpa" atty meiramhana oiyn-saýyq mekemesi uiymdastyrylǵan.
Medeý aýdanynyń prokýratýrasy jyljymaityn múlikti satyp alý-satý mámileleriniń kúshin joiý týraly sotqa shaǵym túsirdi.
Sot sheshimimen qadaǵalaý organynyń talap aryzy qanaǵattandyrylyp, múlik qaitaryldy, sheshim zańdy kúshine endi.
