Almaty qalalyq Qoǵamdyq densaýlyq saqtaý basqarmasynyń baspasóz qyzmeti №4 emhananyń qyzmetkerleri jappai koronavirýs juqtyrdy degen aqparatty joqqa shyǵardy, dep habarlaidy "Ult aqparat".
Áleýmettik jelide «atalǵan emhananyń 27 qyzmetkerinen koronavirýs tabyldy» degen aqparat taraǵan bolatyn.
«Bul – aqparat jalǵan. Qalalyq Qoǵamdyq densaýlyqty saqtaý basqarmasy memlekettik komissiianyń TJ týraly sheshimine orai 27 naýryzdan bastap №4 emhananyń Almaty oblysynda turatyn 27 qyzmetkerin Alan Cirsus qonaqúiine ornalastyrǵan bolatyn. Osy qonaq úide jatqan Ortalyq klinikalyq qalalyq aýrýhana qyzmetkeri Covid 19 infektsiiasyn juqtyrýy múmkin bolǵandyqtan №4 emhananyń 27 qyzmetkeri 11 sáýirden bastap úi karantininde jatyr. 11 sáýirde olardan PTR test alyndy. Analiz olardyń koronavirýs juqtyrǵanyn kórsetpedi», - dedi qalalyq Qoǵamdyq densaýlyq saqtaý basqarmasynyń baspasóz qyzmetinen.
