Almaty № 2 perzenthanadan COVID-19 infektsiiasy tirkeldi. Bul týraly qalalyq ákimdiktiń baspasóz qyzmeti málim etti, dep habarlaidy "Ult aqparat".
«Perzenthanaǵa júktiliktiń 39-aptasyndaǵy kelinshek kelgen. Ol koronavirýs juqtyrǵan adammen bailanysta bolǵan. Ol bul aqparatty jasyryp qalǵan», - deidi baspasóz qyzmeti.
Qazir qyzmetkerler men patsientter PTR-testileýden ótti. Olardy basqa meditsinalyq mekemelerge aýystyrý nemese úi karantinine jiberý qarastyrylyp jatyr.
«№2 perzenthana ǵimaratynda zararsyzdandyrý sharalary jasaldy. Qazir mekemede patsient qabyldaý toqtatyldy. Qyzmetkerler men patsientter taǵy qosymsha testileýden ótedi. Virýs juqtyrǵany rastalmasa, perzenthana shtattyq rejimde jumysyn jalǵastyrady», - dedi ákimdikten.
