Almaty qalasy Bostandyq aýdany bas sanitar dárigeriniń qaýlysyna sáikes №12 qalalyq emhana karantinge jabyldy, dep habarlaidy "Ult aqparat".
Qalalyq densaýlyq saqtaý basqarmasynyń habarlaýynsha, ortalyq qalalyq klinikalyq aýrýhana taza jáne virýs juqtyrǵan dep eki aimaqqa bólindi.
«Qazir qosymsha 150 juqpaly, 60 provizorlyq jáne 150 karantindik tósek-oryn ashyldy. Emdeýde jatqan naýqastarǵa meditsinalyq kómekti tek obaǵa qarsy kostiýmderin kigen meditsina qyzmetkerleri kórsetýde. Patsienttermen virýsqa shaldyqpaǵan meditsina qyzmetkerleri jumys isteýde. Koronavirýs juqtyrǵan meditsina qyzmetkerleri jumystan shettetilip, infektsiialyq statsionarlar men bólimshelerde emdelýde» delingen basqarma habarlamasynda.
Ákimshilik qyzmetkerlerdi áleýmettik qorǵaý boiynsha turaqty jumys júrgizýde. Karantin jáne jabyq keńistikte júrip-turý jaǵdaiynda adamdardyń psihologiialyq jai-kúii nasharlaýy múmkin ekenin eskere otyryp, ujymda kommýnitsirleýdiń barlyq ádisteri qoldanylýda.
