Foto:elements.envato.com
Almaty mektepteriniń birinde zorlandy degen 7 jastaǵy oqýshynyń anasy málimdeme jasady, - dep habarlaidy Tengrinews.kz saity.
"Men - birinshi synypqa barǵan boida, bir aptadan keiin Almatydaǵy halyqaralyq mektepte zorlyq kórgen balanyń anasymyn. Bir aidan asa ýaqyt ótti, qylmysker áli tabylǵan joq. Psihologtar balamnyń jaǵdaiyna qatysty psihiatrlarǵa júginýdi usynyp jatyr.
Ishki ister ministri Erjan Sádenovke, bas prokýror Berik Asylovqa ótinish bildiremin, men memlekettik organdarǵa jazǵan saýalyma áli jaýap ala almaǵandyqtan, bul ótinishti sizge joldaýǵa májbúrmin", - deidi áiel videoda.
Áiel qylmystyq is boiynsha júrgizilgen saraptama qorytyndysymen tanys ekenin aitty.
"Balamnyń denesindegi jaralar, tyrtyqtar. Bul jaralar qurt pen ish qatýdan bolǵan zaqym dep túsindiriledi. Balamnyń shalbaryn da qurt jyrtyp tastaǵan bolyp tur ǵoi. Men qarapaiym qazaqstandyqpyn, joǵarǵy jaqtan tanystarym joq. Shynynda da ádil tergeý bolmai ma?" - dedi balanyń anasy.
Almaty qalalyq IID baspasóz qyzmeti ókilderi bul derek boiynsha qylmystyq isti tergeý basqarmasy Qylmystyq kodekstiń 121-baby, 3-1-bóligi boiynsha tergep jatqanyn habarlady.
"Komissiialyq sot-meditsinalyq saraptama júrgizildi. Onyń qorytyndysy alyndy. Sonymen qatar, istiń obektiv mán-jailaryn anyqtaý maqsatynda tergeý qosymsha saraptamalyq zertteý taǵaiyndady. Primýshko O.P. ulyna saraptama jasaǵysy kelmeýine bailanysty júrgizý múmkin bolmady. Sotaldy tergeý IIM men PD basshylyǵynyń baqylaýynda", - dep qorytyndylady politsiia ókilderi.
