Almatydaǵy Dostyq úiinde Memlekettik hatshy Qyrymbek Kósherbaevtyń qatysýymen QR Prezidentiniń Joldaýyn talqylaǵan jiyn ótti, dep habarlaidy "Ult aqparat".
Otyrysqa qala ákimi Baqytjan Saǵyntaev, ziialy qaýym ókilderi, aqyn jazýshylar, ǵalymdar qatysty.
Jinalǵandar Memleket basshysynyń 1 qyrkúiekte jariialanǵan «Jańa jaǵdaidaǵy Qazaqstan: Is-qimyl kezeńi» joldaýyndaǵy aitylǵan mańyzdy baǵyttardy talqylady.
«Búgin arnaiy Almatyǵa kelip, sizdermen Prezident Joldaýyn talqylaýdy jón kórdik. Onda belgilengen keleli mindetter men maqsattardy tyńdadyńyzdar, oqydyńyzdar. Ulttyń jańa bolmysyn qalyptastyrýda mańyzdy ról oinaityn Joldaýdy jan-jaqty talqylaityn bolamyz»,- dedi Memlekettik hatshy Qyrymbek Kósherbaev.
Aita keteiik, 2020 jylǵy 1 qyrkúiekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saiynǵy dástúrli Joldaýyn jariialady.
«Biz memlekettik baqylaýǵa balama retindegi qoǵamdyq baqylaý institýtyn qoldai otyryp, tiisti quqyqtyq negiz qalyptastyrýymyz kerek. Memlekettik organdardyń, kvazimemlekettik sektordyń qoǵam aldyndaǵy ashyqtyǵyn jáne eseptiligin qamtamasyz etýge jol ashatyn «Qoǵamdyq baqylaý týraly» zańdy ázirlep, qabyldaýdy tapsyramyn», - dedi Prezident.
