الماتىداعى دوستىق ٷيٸندە مەملەكەتتٸك حاتشى قىرىمبەك كٶشەرباەۆتىڭ قاتىسۋىمەن قر پرەزيدەنتٸنٸڭ جولداۋىن تالقىلاعان جيىن ٶتتٸ, دەپ حابارلايدى "ۇلت اقپارات".
وتىرىسقا قالا ەكٸمٸ باقىتجان ساعىنتاەۆ, زييالى قاۋىم ٶكٸلدەرٸ, اقىن جازۋشىلار, عالىمدار قاتىستى.
جينالعاندار مەملەكەت باسشىسىنىڭ 1 قىركٷيەكتە جارييالانعان «جاڭا جاعدايداعى قازاقستان: ٸس-قيمىل كەزەڭٸ» جولداۋىنداعى ايتىلعان ماڭىزدى باعىتتاردى تالقىلادى.
«بٷگٸن ارنايى الماتىعا كەلٸپ, سٸزدەرمەن پرەزيدەنت جولداۋىن تالقىلاۋدى جٶن كٶردٸك. وندا بەلگٸلەنگەن كەلەلٸ مٸندەتتەر مەن ماقساتتاردى تىڭدادىڭىزدار, وقىدىڭىزدار. ۇلتتىڭ جاڭا بولمىسىن قالىپتاستىرۋدا ماڭىزدى رٶل وينايتىن جولداۋدى جان-جاقتى تالقىلايتىن بولامىز»,- دەدٸ مەملەكەتتٸك حاتشى قىرىمبەك كٶشەرباەۆ.
ايتا كەتەيٸك, 2020 جىلعى 1 قىركٷيەكتە مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا قازاقستان حالقىنا جىل سايىنعى دەستٷرلٸ جولداۋىن جارييالادى.
«بٸز مەملەكەتتٸك باقىلاۋعا بالاما رەتٸندەگٸ قوعامدىق باقىلاۋ ينستيتۋتىن قولداي وتىرىپ, تيٸستٸ قۇقىقتىق نەگٸز قالىپتاستىرۋىمىز كەرەك. مەملەكەتتٸك ورگانداردىڭ, كۆازيمەملەكەتتٸك سەكتوردىڭ قوعام الدىنداعى اشىقتىعىن جەنە ەسەپتٸلٸگٸن قامتاماسىز ەتۋگە جول اشاتىن «قوعامدىق باقىلاۋ تۋرالى» زاڭدى ەزٸرلەپ, قابىلداۋدى تاپسىرامىن», - دەدٸ پرەزيدەنت.
