2021 jyldyń basynan beri Almatyda 707 oqýshy KVI juqtyrǵan. Mundai aqparatty Almaty qalalyq bilim basqarmasy taratty, dep habarlaidy "Ult aqparat".
Basqarma habarlaǵandai, offlain rejimde bilim berip jatqan mektepterde KVI anyqtalǵan jaǵdaida synyptar nemese mektep karantinge inkýbatsiialyq merzim bitkenshe jabylady.
«Almaty qalalyq sanitarlyq epidemiologiialyq baqylaý departamentiniń málimetine sáikes 2021 oqý jylynyń basynan bastap 707 oqýshynyń koronavirýs juqtyrǵany anyqtaldy. Onyń ishinde 110 oqýshy offlain rejimde bilim alsa, 597 oqýshy qashyqtan oqyǵan. 80 paiyzynda oqýshylar virýsty úiindegi týysqandardan juqtyrǵan» dedi basqarmadan.
Bilim basqarmasy resmi jaýabynda kórsetkendei, epidemiologiialyq ahýalǵa bailanysty balalardyń densaýlyǵyn saqtaý maqsatynda qalada 205 mektep qashyqtan oqytý formatyna kóshken bolatyn.
«Kólsai men Sulýsai eldi mekenderindegi oqýshylar sany az № 194 jáne 197 mektepterde oqytý shtattyq rejimde júrip jatyr. Barlyq mektepter sanitarlyq quraldarmen qamtylǵan» deidi vedomstvo.
Qazir Almatyda 153 memlekettik mektepte 1 425 kezekshi synyp ashylǵan. Onda 1-5 synyp aralyǵyndaǵy 19 528 oqýshy bilim alyp jatyr.
189 memlekettik mektepte 9-11 synyptarǵa arnalǵan 1856 topta 23 510 oqýshy bilim alyp jatyr.
Almatyda 2020-2021 oqý jylynda 278 mektepte jalpy 288 myń oqýshy bilim alyp jatyr.
