Foto: Tengrinews.kz
Almatyda Subaru júrgizýshisi jaiaý júrginshiler ótkelinde oqýshy qyzdy qaǵyp ketti, - dep habarlaidy Tengrinews.kz tilshisi Almaty PD baspasóz qyzmetine silteme jasap.
Qalalyq politsiianyń málimetinshe, oqiǵa 14 mamyrda saǵat 12.25 shamasynda bolǵan. Subaru kóliginiń júrgizýshisi Masanchi kóshesimen soltústik baǵytta bara jatyp, Jibek joly kóshesiniń qiylysyndaǵy jaiaý júrginshiler ótkelinde 2010 jyly týǵan qyzdy qaǵyp ketken.
"Oqiǵa saldarynan oqýshy dene jaraqatyn alyp, meditsinalyq kómek alý úshin Almaty qalasynyń №1 qalalyq balalar klinikalyq aýrýhanasyna jetkizildi. Bul derek Almaly aýdandyq Politsiia basqarmasy qyzmetkerleriniń óndirisine qabyldandy", - dedi Almaty qalasy PD anyqtaý basqarmasynyń bastyǵy politsiia podpolkovnigi Oljas Sháripov.
