فوتو: Tengrinews.kz
الماتىدا Subaru جٷرگٸزۋشٸسٸ جاياۋ جٷرگٸنشٸلەر ٶتكەلٸندە وقۋشى قىزدى قاعىپ كەتتٸ, - دەپ حابارلايدى Tengrinews.kz تٸلشٸسٸ الماتى پد باسپاسٶز قىزمەتٸنە سٸلتەمە جاساپ.
قالالىق پوليتسييانىڭ مەلٸمەتٸنشە, وقيعا 14 مامىردا ساعات 12.25 شاماسىندا بولعان. Subaru كٶلٸگٸنٸڭ جٷرگٸزۋشٸسٸ ماسانچي كٶشەسٸمەن سولتٷستٸك باعىتتا بارا جاتىپ, جٸبەك جولى كٶشەسٸنٸڭ قيىلىسىنداعى جاياۋ جٷرگٸنشٸلەر ٶتكەلٸندە 2010 جىلى تۋعان قىزدى قاعىپ كەتكەن.
"وقيعا سالدارىنان وقۋشى دەنە جاراقاتىن الىپ, مەديتسينالىق كٶمەك الۋ ٷشٸن الماتى قالاسىنىڭ №1 قالالىق بالالار كلينيكالىق اۋرۋحاناسىنا جەتكٸزٸلدٸ. بۇل دەرەك المالى اۋداندىق پوليتسييا باسقارماسى قىزمەتكەرلەرٸنٸڭ ٶندٸرٸسٸنە قابىلداندى", - دەدٸ الماتى قالاسى پد انىقتاۋ باسقارماسىنىڭ باستىعى پوليتسييا پودپولكوۆنيگٸ ولجاس شەرٸپوۆ.
