Qazir JRVI men tumaý taraityn kezeń, soǵan bailanysty qalada syrqattanýshylar kóbeidi. Bul týraly Almaty qalasy Sanitariialyq-epidemiologiialyq baqylaý departamenti basshysynyń orynbasary Ásel Qalyqova málim etti, dep habarlaidy QazAqparat.
Onyń aitýynsha, ótken aptada 12 myńnan astam adam tumaýmen tirkeldi. Al, JRVI-diń taralýy ótken aptalarmen salystyrǵanda 3,7 ese artqan. Aýyrǵandardyń 60 paiyzdan astamy balalar.
«1 qazannan beri JRVI-diń 86 myńnan astam jaǵdaiy tirkeldi. Bul ótken jylǵa qaraǵanda 3,6 ese joǵary. Qazir kún saiyn zerthanada tumaý virýsynyń ainalymyna baqylaý júrgizilip otyr. Búgingi kúni tumaýdyń A, HN2 túriniń 25 jaǵdaiy anyqtaldy. Sondai-aq maýsym basalǵaly JRVI-diń ózge túrleri de kezdesti. Virýstyń aldyn alýdyń basty joly halyqqa vaktsina salý», - dedi spiker.
Biyl Almaty ákimdigimen tumaýǵa qarsy vaktsinanyń 130 myń dozasy jetkizildi. 15 qyrkúiekten beri biýdjet esebinen 128 myńnan astam adam vaktsina alǵan, al 3,5 myń adam aqyly túrde saldyrǵan. Sondai-aq jumys berýshi tarapynan 5 myńdai adam vaktsina saldyrǵan.
