Almatyda úsh jolairyqtyń qurylysy men kóshelerdi uzartý jumysy jalǵasyp jatyr, dep habarlaidy QazAqparat.
«Qujatqa sáikes, qalada úsh jolairyqtyń qurylysy júrip jatyr. Rysqulov dańǵyly men Emtsov kóshesi qiylysyndaǵy jolairyqty 2021 jyldyń jeltoqsanyna deiin aiaqtaý josparlanyp otyr. Seifýllin dańǵyly men Jansúgirov kóshesi qiylysynda jolairyq 2022 jyldyń jeltoqsanyna qarai aiaqtalady. Qulja tasjoly men Buqtyrma kóshesi qiylysyndaǵy jolairyq qurylysy 2022 jyldyń aqpanynda támamdalady» dep habarlady qalalyq ákimdikten.
Sonymen qatar, qalada eki kóshe 6,2 shaqyrymǵa deiin uzartylady:
– Abai dańǵyly, uzyndyǵy 3 shaqyrym (aiaqtalý merzimi - 2021 jyldyń jeltoqsan aiy);
– Sain kóshesi, uzyndyǵy 3,2 shaqyrym (aiaqtalý merzimi - 2021 jyldyń jeltoqsan aiy);
Sondai-aq, jalpy uzyndyǵy 9,8 shaqyrym bolatyn 2 kóshede kúrdeli jóndeý jumystary júrip jatyr.
Atap aitsaq, Jandosov kóshesi - Súleimenov kóshesinen Tilendiev kóshesine deiin (aiaqtalý merzimi - jeltoqsan 2021 jyl) jáne Iassaýi kóshesinen Rysqulov kóshesine deiin (aiaqtalý merzimi – 2021 jyl).
