Foto: polisia.kz
Almatyda kólik júrgizýshisine shabýyl jasaǵan jolaýshy qolǵa tústi, – dep habarlaidy «Ult aqparat» Polisia.kz-ke silteme jasap.
Almatynyń Bostandyq aýdanynda tańǵy 08:00 shamasynda 98-baǵyttaǵy avtobýsta 38 jastaǵy jolaýshy buzaqylyq jasaǵany úshin jaýapkershilikke tartyldy. Ol qoǵamdyq tártipti buzyp, kólik júrgizýshisine dene jaraqatyn keltirgen.
– Kúdikti ustalyp, ýaqytsha ustaý izoliatoryna qamaldy. Buzaqylyq deregi boiynsha qylmystyq is qozǵaldy. Saraptama taǵaiyndaldy. Kúdikti ózin qorǵaý úshin, jumysqa keshigip bara jatqandyqtan, júrgizýshiden tezirek júrýin suraǵanyn aitty. Alaida janjaldyń sebebi de osy kikiljiń bolǵan, – deidi, Bostandyq aýdandyq politsiia basqarmasynyń bastyǵy Didar Ahanov.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
