Foto: Almaty ákimdigi
Almaty ákimi megapolistegi jol qozǵalysyna qatysty máseleler qalai sheshiletinin aitty, dep habarlaidy Kazinform.
Erbolat Dosaev Almaly aýdanynyń turǵyndarymen kezdesýi barysynda baǵdarshamdar jumysyndaǵy aqaý jáne kólik qozǵalysyna qatysty suraqqa jaýap berdi.
"Qalada joldaǵy qozǵalysty basqarý men qaýipsizdikpen qamtamasyz etý jumystary júrgizilip jatyr. Qaladaǵy barlyq baǵdarsham kompleksteriniń, olardyń sany - 585, tek 91-i zamanaýi talaptarǵa sai keledi. Biyl biz baǵdarshamdardy aýystyrý boiynsha aýqymdy jumysty bastaimyz. Sondai-aq buryn eshqashan bolmaǵan Jol qozǵalysyn uiymdastyrý ortalyǵyn quramyz. Búgingi kúni bul qyzmet Politsiia departamentiniń quzyretinde. Biraq Ishki ister ministrliginiń maquldaýymen endi politsiia qaýipsizdik suraqtaryna jaýap berse, al jol qozǵalysyn ákimdik basqaratyn bolady. Bul joba daiyndalyp jatyr jáne osy jyldyń kúzinde bastaimyz dep úmittenemiz", - dedi shahar basshysy.
Eske salaiyq, buǵan deiin Almatyda eki kúnde 21 zańsyz ornatylǵan dúńgirshek buzylǵanyn jazǵanbyz.
