Almatyda jeti nysanǵa mina qoiyldy degen habar tústi. Politsiia tekseris júrgizip jatyr, - dep habarlaidy Tengrinews.kz tilshisi.
Almaty politsiia departamentine qalada úsh bank, eki saýda jáne oiyn-saýyq ortalyǵy, áýejai jáne oqý ornyna mina qoiyldy degen habar túsken. Qazir qalanyń shuǵyl jedel qyzmetteri nysandardy tekserip jatyr.
"Almaty Politsiia departamenti qyzmetkerleri nysandardyń úsheýin tekserip úlgerdi. Aqparat rastalmady. Tekseristi saperler arnaiy tehnikamen júrgizip jatyr. Qaýipsizdik maqsatynda barlyq nysannan barlyq qyzmetker men kelýshiler evakýatsiialandy", - dedi Almaty politsiia departamentiniń resmi ókili Saltanat Ázirbek.
Almaty halyqaralyq áýejaiy da aqparatty rastady.
"Áýejai terminaly aýmaǵynda bomba qoiylǵany týraly aqparat túskenin rastaimyz. Qaýipsizdik hattamasyna sáikes, jolaýshylar men qyzmetkerler evakýatsiialandy", - dedi áýejai baspasóz qyzmetiniń ókilderi.
