Almaty ortalyǵynda jer opyrylyp, qutqarý qyzmetiniń kóligi túsip ketti, dep habarlaidy "Ult aqparat".
Oqiǵa bolǵan jerde túsirilgen sýretter Instagram álýmettik jelisinde paida boldy.
Qutqarý qyzmetiniń málimeti boiynsha, 30 sáýirde 109 ekipajy Nazarbaev dańǵyly 124 mekenjaiyndaǵy úi balkony men qalqanyna qaýip týdyratyn butaqtardy kesý úshin shaqyrtý alǵan.
«Shaqyrtý ornyna jetkende, 109 Qyzmet kórsetý bólimine tiesili avto-gidravlikalyq kótergishtiń oń jaq artqy dóńgelegi jer astyna túsip ketti. Ol jer jazda sýburqaq retinde paidalanylǵan. Oǵan qaramastan, avtokólik shuńqyrdan shyǵarylyp, qutqarýshylar ekipajy apat jaǵdaiyn týdyrǵan butaqtardy kesý jumystaryn aiaqtady. Oqiǵa bolǵan jerge politsiia qyzmetkerleri men Almaty qalasy Jasyl ekonomika basqarmasynyń mamandary shaqyryldy», - dep habarlady vedomstvodan.
