Foto: strategy2050.kz
Almatyda turatyn Uly Otan soǵysy ardagerlerine Jeńis kúnine orai qansha aqsha beriletini belgili boldy, - dep habarlaidy "Ult aqparat" Tengrinews.kz saityna silteme jasap.
Shahar basshysy Erbolat Dosaev qalada 58 ardager turatynyn aitty.
"9 mamyr - barshamyz úshin qasietti mereke. Iá, ókinishke qarai, jyl ótken saiyn batyrlarymyz azaiyp barady. Sońǵy málimet boiynsha Almatyda 58 ardager turady. Olardyń bári merekelerin aman-esen qarsy alyp, merekeni toilaýyn qalaimyn. Kómekke keletin bolsaq, qarajat qarastyrylǵan, biz Uly Otan soǵysynyń ár ardagerine bir million teńgeden tóleýdi josparlaǵanbyz. Erteń máslihattyń otyrysy bolady, men depýtattarǵa 1,5 million teńge tóleý úshin taǵy bes júz myń qosýdy suradym.
Sondai-aq, aýǵan jaýyngerlerine, tyl eńbekkerlerine jáne t.b. materialdyq kómek kórsetemiz. 9 mamyrda dástúr boiynsha 28 gvardiiashy-panfilovshylar atyndaǵy saiabaqqa gúl shoqtary qoiylyp, merekelik kontsert ótedi. Qalanyń barlyq aýdanynda ardagerlerimizge qurmet kórsetiledi.
Merekege jeke qatysa almaityn ardagerlerge erekshe kóńil bólemiz, aýdan ákimderi jáne men bárin aralap, jeke quttyqtaimyz", - dedi Dosaev.
