Aldaǵy halyqaralyq týrnir men "Dinamo" sport qoǵamynyń 100 jyldyǵy týraly Óńirlik kommýnikatsiialar qyzmeti alańynda «Dinamo» DShSQ QB tóraǵasynyń birinshi orynbasary, politsiia polkovnigi Asqar Omarqulov pen qoǵammen bailanys jáne BAQ basqarmasynyń bastyǵy Gúlaim Hairýlla baiandady.
Jeńis kúni men ádilet general-maiory Rústem Qaidarovty eske alýǵa arnalǵan sambo jáne jaýyngerlik sambodan halyqaralyq týrnir 5-7 mamyr aralyǵynda Almatyda ótedi. Oǵan Ózbekstan, Qyrǵyzstan jáne Tájikstan sportshylary qatysady.
"Týrnirdi QR IIM, “Generaldar keńesi" qoǵamdyq birlestigi jáne "Dinamo" dene shynyqtyrý-sport qoǵamynyń Ortalyq keńesi, sondai - aq sambo jáne jaýyngerlik sambodan respýblikalyq jáne Almaty qalalyq federatsiiasy uiymdastyrady", - dedi A.Omarqulov.
Sondai-aq, ol biylǵy jarystyń ereksheligi - týrnir nátijesine boiynsha qatysýshylarǵa sport sheberi ataǵy beriletinin atap ótti.
Spiker mańyzdy oqiǵalar qatarynda “Dinamo" qoǵamynyń 2025 jyly ótetin 100 jyldyq mereitoiyn da atap ótti. Búginniń ózinde-aq is-sharaǵa daiyndyq qarqyndy júrip jatyr.
"Dinamo" tarihy, sózsiz, burynǵy keńestik jáne qazirgi Táýelsiz Qazaqstannyń tarihymen bailanysty. Sondyqtan qoǵamnyń mereitoiy bárimiz úshin este qalarlyq oqiǵa bolmaq", - dep atap ótti ol.
"Dinamo" qoǵamynda balalar sportyna erekshe kóńil bólinedi. Jyl saiyn mamyr-maýsym ailarynda "Dinamo - Qazaqstan balalaryna" aktsiiasy, búkil el boiynsha 10 myńnan astam balany qamtityn marafon ótkiziledi. Mysaly, 1400-den astam balanyń basyn qosqan Almaty marafony baǵdarlamasynda júgirý, "Kim jyldam" estafetasy, darts oiyny, kishi fýtbol, voleibol, arqan tartý, saptyq daiyndyq jáne jekpe-jek boiynsha jarystar boldy. Osyndai is-sharany biyl da ótkizý josparlanýda.
"Dinamo" 6 myńnan astam balany biriktiredi, olar el boiynsha 180-ge jýyq sektsiiada jattyǵady, sektsiialardyń 117-si tegin jumys isteidi. Sonymen qatar, "Jas Dinamo" qozǵalysyna elimizdiń barlyq óńirlerinde 30 myńnan astam oqýshylar men stýdentter tartyldy.
"Dinamoda" 36 olimpiadalyq sport túrinen sheberlerdi daiyndap, ulttyq quramanyń shamamen 80% - qoǵam músheleri bolyp tabylady. Táýelsizdik jyldarynda qazaqstandyqtar jeńip alǵan 81 Olimpiada medaliniń 68-i dinamolyqtardyń qorjynynda, onyń ishinde 16 altyn, 19 kúmis jáne 37 qola júldeler. Tokio olimpiadasynda jeńip alynǵan 8 medaldiń 7-si «Dinamo» ókilderine tiesili. Biylǵy jyly «Dinamo» óz sportshylaryna Parij Olimpiadasyna litsenziia alýǵa degen kúreste úlken úmit artady.
