Foto: kstnews.kz
Almatyda ótken jyly áleýmettik qoldaýmen 192 myńnan astam adam qamtyldy. Bul týraly óńirlik kommýnikatsiialar qyzmetiniń brifinginde Almaty qalasy jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi, - dep habarlaidy Sputnik Qazaqstan.
"Qosymsha áleýmettik qoldaý maqsatynda Almaty qalasy máslihatynyń qoldanystaǵy sheshimine ózgerister engizildi, onda 1986 jylǵy jeltoqsan oqiǵalaryna qatysýshylarǵa QR Táýelsizdik kúnine orai birjolǵy áleýmettik kómek mólsheri 150 myń teńgeden 250 myń teńgege deiin ulǵaityldy. Bul kómekti jeltoqsan oqiǵasyna 676 qatysýshy aldy", - dedi Jaýbasov.
Onyń aitýynsha, basqa memleketterdiń aýmaǵyndaǵy jaýyngerlik is-qimyldarǵa qatysqan ardagerleri úshin Keńes áskerleriniń shekteýli kontingentin Aýǵanstannan shyǵarý kúnine 100 myń teńgeden jańa tólem engizildi.
"Osylaisha, basqa memleketterdiń aýmaǵyndaǵy jaýyngerlik is-qimyldardyń ardagerleri 200 myń teńge alady: 9 mamyr men 15 aqpan qarsańynda 100 myń teńgeden alatyn bolady", - dedi basqarma basshysy.
Ol jyl saiyn áleýmettik kómektiń mólsheri qaita qaralatynyn, sondai-aq kómektiń jańa túrleri engiziletinin atap ótti.
"1986 jylǵy jeltoqsan oqiǵasynyń qatysýshylary qalalyq qoǵamdyq kólikte tegin júrýge quqyly. 2024 jyly 2,9 myń aýǵan ardageri men 1986 jylǵy Jeltoqsan oqiǵasynyń 700 qatysýshysyn (444 mln teńge) qosymsha áleýmettik qoldaý sharalarymen qamtamasyz etý josparlanýda", - dedi Jaýbasov.
