Almatyda Jangeldin kóshesinde №208 avtobýs jaiaý júrginshini qaǵyp ketti. Japa shegýshi oqiǵa ornynda kóz jumdy, dep habarlaidy "Ult aqparat".
Oqiǵa týraly aqparat pen video Instagram áleýmettik jelisindegi chp_kz-paraqshasynda paida boldy.
"Kýágerlerdiń aitýynsha, № 208 avtobýs Jangeldin kóshesimen soltústik baǵytta kele jatqan. Pestkovskii kóshesi qiylysynda jaiaý júrginshiler ótkelinen áiel ótip bara jatty. Júrgizýshi ony kórip, toqtaýǵa tyrysty, biraq ol múmkin bolmady. Avtobýs jaiaý júrginshini qaǵyp ketti. Nátijesinde 1975 jyly týǵan áiel alǵan jaraqattarynan jedel járdem brigadasy kelgenge deiin qaitys boldy", - delingen video sipattamasynda.
