Foto: Zakon.kz
Almatyda bir kafeniń úsh qyzmetkeri mekeme úshin jarnamalyq beinerolik túsirý maqsatynda megapolistiń qarbalas dańǵylyndaǵy jaiaý júrginshiler ótkelin ústel qoiyp bógegen, dep habarlaidy Ult.kz.
Olardyń áreketi kólik pen jaiaý júrginshilerdiń qozǵalysyna kedergi keltirip, usaq buzaqylyq retinde qaraldy – qorshaǵandarǵa qurmetsizdik tanytý jáne qoǵamdyq tártipti buzý (ÁQBtK-niń 434-baby 1-bóligi).
Almaty qalasynyń mamandandyrylǵan aýdanaralyq ákimshilik soty is boiynsha úsh qyzmetkerdiń óz kinásin tolyq moiyndaǵanyn tirkedi. Sot ÁQBtK-niń 434-baby 1-bóligine sáikes aiyppul salýdy nemese 5-ten 15 táýlikke deiin ákimshilik qamaýdy qarastyrady.
Sot quqyq buzýshylarǵa qatysty sheshim qabyldaǵanda, olardyń kinásin moiyndaýy men ókinish bildirýin jeńildetetin mán-jai retinde, al qoǵamdyq minez-qulyq normalaryn elemegenin aýyrlatatyn mán-jai retinde esepke aldy.
Sot qaýlysymen úsh qyzmetker ÁQBtK-niń 434-baby 1-bóligi boiynsha kináli dep tanylyp, árqaisyna 20 ailyq eseptik kórsetkish mólsherinde — 78 myń teńgeden astam aiyppul salyndy.
Sot qaýlysy zańdy kúshine endi.
