20 qyrkúiek kúni Almaty qalasy ákimdiginiń qoldaýymen Qazaq ulttyq qyzdar pedagogikalyq Ýniversitetinde «Rýhani jańǵyrý» baǵdarlamasy men «Jastar jyly» aiasynda Almaty qalasy kúnine orai «Ana tilim – aibynym» atty qalalyq jas aqyndar aitysy ótti.
Aitysqa Almaty qalasynyń ár aýdanynan 16-30 jas aralyǵyndaǵy 2 aqynnan qatysqan bolatyn. Aityskerler aitystyń barlyq túrlerin qoldana otyryp óner kórsetti. Aqyndarǵa «Til taǵdyry – el taǵdyry», «Qazaq tili - memlekettik til», «El bolashaǵy – jastar», «Rýhani jańǵyrý – ulttyq sananyń jańǵyrýy» atty taqyryptyq baǵyttar usynylǵan. Aityskerlerdiń ónerin baǵalaý kezinde qazylar alqasy olardyń sýyrypsalma ónerine, daýys mánerine jáne til tazalyǵyna, sahna mádenietine, ulttyq kiim úlgisine nazar aýdardy.
Qala boiynsha barlyǵy 16 aqynnyń 8-i sońǵy ainalymǵa ótip, qazylar alqasy jeńimpazdardy anyqtady.
Aitystyń nátijesi boiynsha Naýryzbai aýdany atynan qatysqan Abai atyndaǵy RMDBMI 11 synyp oqýshysy Qanapiia Altynai aitystyń bas júldesin jeńip alsa, Naýryzbai aýdanynan Sadyruly Jalǵas I oryndy iegeri atandy. II oryn Bostandyq aýdany atynan kelgen Jaýynbaev Nurbolǵa buiyrdy. Almaly aýdany atynan qatysqan Tileýbek Janarys pen Bostandyq aýdany atynan qatysqan Ibragimov Altynbek III oryndy enshiledi.
Kesh sońynda qazylar alqasyna Alǵys hattar tabystaldy.
Almaty qalasy ákimdigi bundai sharany aldaǵy ýaqytta únemi ótkizýdi josparlap otyr. Bul is-sharanyń maqsaty Elbasynyń «Rýhani Jańǵyrý» baǵdarlamasy negizinde memlekettik tildiń qoldanylý aiasyn keńeitý, talantty jastardy jan-jaqty kótermeleý, ulttyq aitys ónerin damytý, jastardyń qazaqtyń ulttyq mádenieti men ónerine degen yqylasyn arttyrý bolyp tabylady.
