Qala ákimdiginiń aldyn ala boljamy boiynsha jol qozǵalysyn retteýdiń tehnikalyq quraldaryna 60 mln teńgege jýyq shyǵyn keltirildi. Bul týraly qalalyq mobildilik basqarmasynyń basshysy Ǵani Myrzahanov onlain brifing barysynda málim etti, dep habarlaidy QazAqparat.
Ǵani Murzahanovtyń aitýynsha, qańtar aiyndaǵy tártipsizdik kezinde 46 baǵdarsham zaqymdandy. 120-dan astam mańdaisha men panelder synǵan. Qazirgi ýaqytta barlyq nysandar qalpyna keltirildi.
«2 myń sharshy metrden astam trotýar jabyndysy buzyldy - bul negizinen Raiymbek dańǵyly men Tóle bi kóshesiniń boiyndaǵy trotýarlar. Qazir onyń bári qalpyna keltirildi. Sonymen qatar, tehnika janyp ketken jerlerdegi asfalttar aýystyryldy», - deidi ol.
Sonymen qatar, basqarma basshysy jappai tártipsizdikter kezinde jol infraqurylymyna shamamen 60 mln teńge shyǵyn keltirilgenin málim etti.
«Naqty shyǵyndy dóp basyp aita almaimyn. Alaida aldyn ala boljam boiynsha 60 mln teńge. Jol qozǵalysyn retteýdiń tehnikalyq quraldaryna 50 mln teńge, jol jabyndysyna 10 mln teńgege jýyq shyǵyn keldi», - deidi spiker.
