Almatylyqtar jappai meningit juqtyryp jatyr degen aqparat shyndyqqa sai kelmeidi. Bul týraly qalalyq qoǵamdyq densaýlyq saqtaý basqarmasy málimdedi, dep habarlaidy "Ult aqparat".
Áleýmettik jelide balabaqshalarda meningit juqpasy taraǵany týraly habarlama jariialandy. Qalalyq qoǵamdyq densaýlyq saqtaý basqarmasy dabyl qaǵýǵa eshqandai negiz joq ekenin aitady.
Jyl basynan beri almatylyq emhanalarǵa 1470 adam meningit juqpasy degen kúdikpen qaraldy. Olardyń jartysynda diagnoz rastalǵan joq. Bul juqpadan biyl adam ólimi tirkelgen joq.
Basqarma basshysynyń mindetin atqarýshy Janar Madeevanyń aitýynsha, balalar arasynda kóbinese entervirýstyq etiologiiadan bastalǵan meningit juqpasy tirkelgen.
Mamandar osydan 2 jyl buryn Almatyda 4 adamnyń ómirin jalmaǵan meningokokk juqpasy biyl tirkelmegenin aitty.
«Balalarda orta nemese jeńil deńgeili aýrý bolǵan. Alaida, balalardyń barlyǵy derlik tolyq jazylyp ketti. Meningit juqpasy boiynsha epidemiologiialyq ahýal turaqty. Almatyda negizinen sirli meningit jii kezdesedi. Bul juqpa adam ólimine ákelmeidi. Onyń meningokokktan qandai ereksheligi bar? Sirli meningit kóbinese sýyqtaýdan, tumaý tigennen keiin paida bolady», - deidi Janar Madeeva.
Almaty qalalyq balalarǵa arnalǵan juqpaly aýrýlar aýrýhanasynyń bas dárigeri Erjan Seralinniń aitýynsha, bul dertti kez kelgen qozdyrǵysh – virýs, bakteriia, zeń taǵy basqa patogender týǵyzýy múmkin.
«Kez kelgen meningit meningokokk juqpasy bola bermeidi. Meningokokk juqpasynan bolǵan meningit tez asqynady. Birneshe saǵat ishinde adam ólip ketýi de múmkin. Eger der kezinde naýqasqa kómek kórsetilse, jazylyp ketedi. Irińdi meningitten góri sirli menigit anaǵurlym jeńil ótedi. Biraq naýqastar mindetti túrde aýrýhanaǵa jatýy tiis. Ainalasy 10 kúnde naýqastar tolyq aiyǵyp ketedi», - dedi Erjan Seralin.
Aita ketý kerek, 18 qazanda Qazaqstannyń bas sanitar dárigeri Jandarbek Bekshin meningit juqpasy boiynsha epidemiologiialyq ahýal týraly aitqan bolatyn.
Onyń málimdeýinshe, qazir Qazaqstanda meningokokk infektsiiasyn juqtyrý boiynsha 50 jaǵdai tirkeldi. Ótken jyly 83 edi. Iaǵni, búgingi kúni meningit juqtyrý deńgeii 47 paiyzǵa azaidy.
Byltyr respýblika boiynsha meningokokk juqpasynan 13 adam kóz jumǵan. Almatyda 5 adam kóz jumdy. Onyń ekeýi - 5 jasqa deiingi balalar. Eki balanyń anasy aýrýdyń alǵashqy belgileri bastalǵanda jekemenshik emhanadaǵy ózderiniń jeke dárigerlerinen keńes alǵany belgili boldy. Syrqattanǵandardyń biri - 27 jastaǵy órt sóndirýshi Oljas Súleimenovtyń aýrýy nebári 12 saǵattyń ishinde asqynyp, kenetten kóz jumǵan. Jalpy, Almaty oblysynda 4 adam kóz jumdy.
