Almaty qalalyq Jasyl ekonomika basqarmasy saýda úiiniń aldyndaǵy aǵashtardyń jappai kesilýiniń mán-jaiyn anyqtady, dep habarlaidy "Ult aqparat".
23 qarasha kúni Almaty qalalyq jasyl ekonomika basqarmasy, tabiǵatty qorǵaý politsiiasy, Almaly aýdandyq qorshaǵan ortany qorǵaý jáne ekologiia basqarmasynyń mamandary aǵashtardyń otalýynyń mán-jaiyn anyqtaý úshin Tóle bi kóshesi, 187 mekenjaiyna bardy.
«Atalǵan mekenjaida 13 aǵashtyń (9 emen jáne 4 qaraǵash) alynyp tastalǵany anyqtaldy. Sulpak merdigerleri - «Sakýra» JK men «Bóribekova» JK Tóle bi kóshesi, 187 ǵimarattyń janynda abattandyrý jumystaryn júrgizip jatyr. «Arena S» JShS (Sulpak) pen ǵimarat ieleri jáne eki jeke kisipker - «Sakýra» men «Bóribekova» arasynda demontaj jumystaryn júrgizý, trotýar plitalaryn qaita qalypyna keltirý jáne aǵshtardy kesý boiynsha kelisimsharttar jasalǵan. Otalǵan aǵashtarǵa keltirilgen ziiandy anyqtaý úshin Jasyl ekonomika basqarmasy Ile Alataý ulttyq tabiǵi parkine suranys joldady. Onyń jaýaptary boiynsha osy buzýshylyqtyń kvalifikatsiiasy jasalady», - dep habarlady basqarmadan.
Sondai-aq basqarmanyń habarlaýynsha, «Sakýra» JK direktory A.Chertihinaǵa qatysty, politsiia Qazaqstan Respýblikasynyń ákimshilik kodeksiniń 437 baby, 1-bóligine sáikes ákimshilik hattama toltyryp. 20 AEK iaǵni 55 560 teńge aiyppul saldy.
«Bóribekova» JK-ne qatysty irgeles aýmaqty ýaqtyly tazartpaǵany úshin QR ÁQBtK-niń 505-baby, 1-bóligi boiynsha, 30 AEK mólsherinde, 83340 teńgege ákimshilik hattama jasaldy.
Buǵan deiin, Almaty turǵyndary emen jáne qaraǵashty otap tastaǵandarǵa narazylyq bildirgen bolatyn.
