Almaty qalalyq Mobildilik basqarmasy Jandosov kóshesindegi BRT qurylysy qashan aiaqtalatynyn málim etti, dep habarlaidy "Ult aqparat".
BRT jobasy aiasynda 8,7 shaqyrym joldyń 7,7 shaqyrymy qaita jańartyldy. Birinshi kezeńniń marshrýt ýchaskesi Ǵ.Mustafin - Súleimenov - Jandosov – Timiriazev kóshelerimen Jeltoqsan kóshesine deiin barady.
«Jandosov kóshesinde Súleimenov kóshesinen N.Tilendiev kóshesine deiin jumys jasalyp jatyr. Biyl jer ýchaskelerin satyp alyndy jáne ǵimarattar buzyldy. Qurylysty 2021 jyldyń jeltoqsanynda aiaqtaý josparlanyp otyr», - dep habarlady basqarmadan.
Buǵan deiin, BRT qurylysynyń birinshi kezeńi qyrkúiek aiynda aiaqtalady dep málim etilgen.
BRT qurylysynyń ekinshi kezeńine keletin bolsaq, qazirgi ýaqytta Almatyda júrdek avtobýs jelisi qurylysyn joba–smeta qujattary ázirlenip jatyr. BRT jobasynyń ekinshi kezeńi, iaǵni 13 shaqyrymdyq ýchaskesi Jeltoqsan kóshesimen Tóle bi, Shyǵys ainalma joly, Halyk Arena tusyndaǵy depoǵa deiin barady.
«BRT qurylysy qarajat bólingen jaǵdaida 2021 jyldan bastalady. Saraptama qorytyndysy shyqqan soń respýblikalyq biýdjetke saýal jiberýimiz múmkin. Keler jyly bastasaq, qurylys jumystaryna shamamen 22 ai ketedi. Qurylys jumystary 1,5-2 jylǵa sozylady», - dedi qalalyq Mobildilik basqarmasy basshysynyń orynbasary Ernur Ábjahan. Joba quny shamamen 12 mlrd dollar dep baǵalanyp otyr.
