الماتى قالالىق موبيلدٸلٸك باسقارماسى جاندوسوۆ كٶشەسٸندەگٸ BRT قۇرىلىسى قاشان اياقتالاتىنىن مەلٸم ەتتٸ, دەپ حابارلايدى "ۇلت اقپارات".
BRT جوباسى اياسىندا 8,7 شاقىرىم جولدىڭ 7,7 شاقىرىمى قايتا جاڭارتىلدى. بٸرٸنشٸ كەزەڭنٸڭ مارشرۋت ۋچاسكەسٸ ع.مۇستافين - سٷلەيمەنوۆ - جاندوسوۆ – تيميريازەۆ كٶشەلەرٸمەن جەلتوقسان كٶشەسٸنە دەيٸن بارادى.
«جاندوسوۆ كٶشەسٸندە سٷلەيمەنوۆ كٶشەسٸنەن ن.تٸلەنديەۆ كٶشەسٸنە دەيٸن جۇمىس جاسالىپ جاتىر. بيىل جەر ۋچاسكەلەرٸن ساتىپ الىندى جەنە عيماراتتار بۇزىلدى. قۇرىلىستى 2021 جىلدىڭ جەلتوقسانىندا اياقتاۋ جوسپارلانىپ وتىر», - دەپ حابارلادى باسقارمادان.
بۇعان دەيٸن, BRT قۇرىلىسىنىڭ بٸرٸنشٸ كەزەڭٸ قىركٷيەك ايىندا اياقتالادى دەپ مەلٸم ەتٸلگەن.
BRT قۇرىلىسىنىڭ ەكٸنشٸ كەزەڭٸنە كەلەتٸن بولساق, قازٸرگٸ ۋاقىتتا الماتىدا جٷردەك اۆتوبۋس جەلٸسٸ قۇرىلىسىن جوبا–سمەتا قۇجاتتارى ەزٸرلەنٸپ جاتىر. BRT جوباسىنىڭ ەكٸنشٸ كەزەڭٸ, ياعني 13 شاقىرىمدىق ۋچاسكەسٸ جەلتوقسان كٶشەسٸمەن تٶلە بي, شىعىس اينالما جولى, Halyk Arena تۇسىنداعى دەپوعا دەيٸن بارادى.
«BRT قۇرىلىسى قاراجات بٶلٸنگەن جاعدايدا 2021 جىلدان باستالادى. ساراپتاما قورىتىندىسى شىققان سوڭ رەسپۋبليكالىق بيۋدجەتكە ساۋال جٸبەرۋٸمٸز مٷمكٸن. كەلەر جىلى باستاساق, قۇرىلىس جۇمىستارىنا شامامەن 22 اي كەتەدٸ. قۇرىلىس جۇمىستارى 1,5-2 جىلعا سوزىلادى», - دەدٸ قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ەبجاحان. جوبا قۇنى شامامەن 12 ملرد دوللار دەپ باعالانىپ وتىر.
