Almaty ákimdiginiń ókilderi jańajyldyq shyrsha men qalany bezendirýge aqsha bólinbegenin málim etti, dep habarlaidy "Ult aqparat".
Qalalyq ákimidiktiń málimetinshe, biyl negizgi biýdjet qarajaty koronavirýs infektsiiasymen kúresýge baǵyttaldy.
Jańajyldyq shyrshalardy ornatýǵa jáne kóshelerdi jaryqpen bezendirýge aqsha bólinbedi.
Byltyrǵy shyrshalar 16 jeltoqsannan keiin qalpyna keltirilip, ornatylady.
«Biyl Almaty qalasynyń ákimdigi pandemiiaǵa bailanysty aýqymdy merekelik is-sharalar ótkizbeidi. Soǵan qaramastan, merekege orai mádeniet basqarmasynyń vedomstvoǵa qarasty mekemeleri 25 is-shara uiymdastyrdy. Onyń kópshiligi onlain formatta ótedi. Al dástúrli formatta uiymdastyrylǵan is-sharalar barlyq sanitarlyq normany saqtai otyryp, qalanyń bas sanitar dárigeriniń qaýlysyna sáikes júrgiziledi. Jańajyldyq otshashý da qarastyrylmaǵan», - dedi ákimdiktegiler.
