Almatydaǵy sanitarlyq-epidemiologiialyq jaǵdaidyń turaqsyzdyǵyna bailanysty biýdjet bekitilgen shekte qysqartyldy. Sondyqtan ekinshi jyl qatarynan qalany merekelik bezendirýge, sondai-aq mádeni is-sharalardy ótkizýge jumsalatyn shyǵyndar qysqartyldy, dep habarlaidy QazAqparat.
Qalalyq ákimidiktiń málimetinshe, biyl negizgi biýdjet qarajaty koronavirýs infektsiiasymen kúresýge baǵyttaldy.
Osyǵan bailanysty megapolistegi jańajyldyq bezendirý qarapaiym boldy.
«Dástúrli túrde qalanyń bas shyrshasy QBTÝ mańyndaǵy «Astana» alańynda ornatylady. Sonymen qatar, installiatsiialar qalanyń 8 aýdanynda – ortalyq kóshelerde, aýdan ákimdikteriniń mańynda, jaiaý júrginshiler aimaqtarynda ornatyldy. Tuńǵysh Prezident saiabaǵy, Respýblika saraiy men Tsirk aldyndaǵy alań, Panfilov kóshesi men Saýranbaev kóshesi boiyndaǵy jaiaý júrginshiler aimaǵy, «Almaty Arena», «Halyq Arena» sport keshenderi, Ǵabit Músirepov jáne Nataliia Sats atyndaǵy orys memlekettik akademiialyq balalar men jasóspirimder teatrynyń mańy merekege sai bezendirildi», - dep habarlady ákimdikten.
Qalanyń barlyq aýdanynda shyrsha men fotoaimaqtar ornatyldy. Sondai-aq, ótken jylǵy shaǵyn sáýlet nysandary qoldanylady.
«Almatyda jańa jyldyq bezendirýge bólingen 224 000 000 teńgeni tender arqyly «Clover Media Group» kompaniiasy jeńip aldy. Bul somaǵa kóshelerdi jańa jyldyq bezendirý men ornatý jáne demontaj ǵana emes, sonymen qatar Qazaqstan Respýblikasynyń zańnamasynda kózdelgen barlyq salyqtar kiredi. Qosymsha qun salyǵyn qosa alǵanda – 24 mln teńgeden astam», - delingen habarlamada.
Kelisim shart aiasynda shyrshalar, shaǵyn arhitektýralyq pishinder, fotoaimaqtar ornatyldy. Qala kóshelerine barlyǵy 100-den astam nysan daiyndalyp, ornatyldy.
